ตอนนี้
มหาตัณหาสังขยสูตร ๖ ข้ามพ้นสงสัย๑๖ ข้อเข้าถึงนิพพาน, อ.สุภีร์ ทุมทอง-บ้านพุทธธรรมสวนหลวง-๒ เม.ย.๒๕๖๓
https://www.youtube.com/watch?v=sWQgt6hCU2Q

-----
ตอนที่แล้ว
มหาตัณหาสังขยสูตร ๕ ความเกิดขึ้นและความดับไป ฯ, อ.สุภีร์ ทุมทอง-บ้านพุทธธรรมสวนหลวง-๑๙ มี.ค.๒๕๖๓
https://www.youtube.com/watch?v=5MwVgUPuoVM
---
ตอนที่แล้ว
อ่านและฟัง มหาตัณหาสังขยสูตร ๕ ความเกิดขึ้นและความดับไป ฯ, อ.สุภีร์ ทุมทอง-บ้านพุทธธรรมสวนหลวง-๑๙ มี.ค.๒๕๖๓
https://pantip.com/topic/43093119/comment16
---

----------
https://84000.org/tipitaka/pitaka_item/pali_item_s.php?book=12&item=440&items=19
[๔๕๑]   อปิ  นุ  ตุเมฺห  ภิกฺขเว  เอวํ  ชานนฺตา  เอวํ ปสฺสนฺตา
ปุพฺพนฺตํ   วา   ปฏิธาเวยฺยาถ   อเหสุมฺหา   นุ  โข  มยํ  อตีตมทฺธานํ
น  นุ  โข  อเหสุมฺหา  อตีตมทฺธานํ  กึ  นุ  โข  อเหสุมฺหา อตีตมทฺธานํ
กถํ  นุ  โข  อเหสุมฺหา  อตีตมทฺธานํ  กึ  หุตฺวา  กึ  อเหสุมฺหา  นุ โข
มยํ  อตีตมทฺธานนฺติ  ฯ  โน  เหตํ  ภนฺเต  ฯ อปิ นุ ตุเมฺห ภิกฺขเว เอวํ
ชานนฺตา   เอวํ   ปสฺสนฺตา   อปรนฺตํ   วา   ปฏิธาเวยฺยาถ  ภวิสฺสาม
นุ   โข  มยํ  อนาคตมทฺธานํ  น  นุ  โข  ภวิสฺสาม  อนาคตมทฺธานํ  กึ
นุ  โข  ภวิสฺสาม  อนาคตมทฺธานํ  กถํ  นุ  โข  ภวิสฺสาม อนาคตมทฺธานํ
กึ หุตฺวา กึ ภวิสฺสาม นุ โข มยํ อนาคตมทฺธานนฺติ ฯ
     {๔๕๑.๑}   โน  เหตํ ภนฺเต ฯ อปิ นุ ตุเมฺห ภิกฺขเว เอวํ ชานนฺตา
เอวํ   ปสฺสนฺตา   เอตรหิ   วา   ปจฺจุปฺปนฺนทฺธานํ   อารพฺภ   อชฺฌตฺตํ
กถํกถี  อสฺสถ  อหํ  นุ  โขสฺมิ  โน  นุ  โขสฺมิ กินฺนุ โขสฺมิ กถํ นุ โขสฺมิ
อยํ  นุ  โข  สตฺโต  กุโต  อาคโต  โส  กุหิงฺคามี ภวิสฺสตีติ ฯ โน เหตํ
ภนฺเต   ฯ   อปิ  นุ  ตุเมฺห  ภิกฺขเว  เอวํ  ชานนฺตา  เอวํ  ปสฺสนฺตา
เอวํ   วเทยฺยาถ  สตฺถา  โน  ครุ  สตฺถุ  คารเวเนว  ๑-  มยํ  เอวํ
วเทยฺยามาติ   ๒-  ฯ  โน  เหตํ  ภนฺเต  ฯ  อปิ  นุ  ตุเมฺห  ภิกฺขเว
เอวํ   ชานนฺตา   เอวํ   ปสฺสนฺตา  เอวํ  วเทยฺยาถ  สมโณ  เอวมาห
สมณา   จ   น   จ   มยํ  เอวํ  วเทมาติ  ฯ  โน  เหตํ  ภนฺเต  ฯ
อปิ   นุ   ตุเมฺห   ภิกฺขเว   เอวํ   ชานนฺตา   เอวํ  ปสฺสนฺตา  อญฺญํ
@เชิงอรรถ: ๑ ม. คารเวน จ ฯ ๒ ม. วเทมาติ ฯ
สตฺถารํ  อุทฺทิเสยฺยาถาติ  ฯ  โน  เหตํ  ภนฺเต  ฯ อปิ นุ ตุเมฺห ภิกฺขเว
เอวํ   ชานนฺตา   เอวํ   ปสฺสนฺตา   ยานิ   ตานิ   ปุถุสมณพฺราหฺมณานํ
วตฺตโกตูหลมงฺคลานิ     ตานิ     สารโต    ปจฺจาคจฺเฉยฺยาถาติ    ฯ
โน  เหตํ  ภนฺเต  ฯ  นนุ  ภิกฺขเว  ยเทว  ตุมฺหากํ  สามํ  ญาตํ  สามํ
ทิฏฺฐํ  สามํ  วิทิตํ  ตเทว  ตุเมฺห  วเทยฺยาถาติ  ๑-  ฯ  เอวํ ภนฺเต ฯ
สาธุ   ภิกฺขเว  อุปนีตา  โข  เม  ตุเมฺห  ภิกฺขเว  อิมินา  สนฺทิฏฺฐิเกน
ธมฺเมน   อกาลิเกน   เอหิปสฺสิเกน   โอปนยิเกน  ปจฺจตฺตํ  เวทิตพฺเพน
วิญฺญูหิ    สนฺทิฏฺฐิโก   อยํ   ภิกฺขเว   ธมฺโม   อกาลิโก   เอหิปสฺสิโก
โอปนยิโก   ปจฺจตฺตํ   เวทิตพฺโพ   วิญฺญูหิ ติ   อิติ  ยนฺตํ  วุตฺตํ  อิทเมตํ
ปฏิจฺจ วุตฺตํ ฯ
    [๔๕๒]   ติณฺณํ   โข   ปน  ภิกฺขเว  สนฺนิปาตา  คพฺภสฺสาวกฺกนฺติ
โหติ  ฯ  อิธ  มาตาปิตโร  จ  สนฺนิปติตา  โหนฺติ มาตา จ น อุตุนี โหติ
คนฺธพฺโพ  จ  น  ปจฺจุปฏฺฐิโต  โหติ  เนว  ตาว คพฺภสฺสาวกฺกนฺติ โหติ ฯ
อิธ  มาตาปิตโร  จ  สนฺนิปติตา  โหนฺติ  มาตา จ อุตุนี โหติ คนฺธพฺโพ จ
น  ปจฺจุปฏฺฐิโต  โหติ  เนว  ตาว  คพฺภสฺสาวกฺกนฺติ  โหติ ฯ ยโต จ โข
ภิกฺขเว  มาตาปิตโร  จ  สนฺนิปติตา  โหนฺติ มาตา จ อุตุนี โหติ คนฺธพฺโพ
จ    ปจฺจุปฏฺฐิโต   โหติ   เอวํ   ติณฺณํ   สนฺนิปาตา   คพฺภสฺสาวกฺกนฺติ
โหติ  ฯ  ตเมนํ  ภิกฺขเว  มาตา  นว  วา  ทส วา มาเส คพฺภํ กุจฺฉินา
ปริหรติ   มหตา   สํสเยน   ครุภารํ   ตเมนํ   ภิกฺขเว  มาตา  นวนฺนํ
@เชิงอรรถ: ๑ ม. วเทถาติ ฯ
วา   ทสนฺนํ  วา  มาสานํ  อจฺจเยน  วิชายติ  มหตา  สํสเยน  ครุภารํ
ตเมนํ ชาตํ สมานํ สเกน โลหิเตน โปเสสิ ฯ
     [๔๕๓]   โลหิตเญฺหตํ   ภิกฺขเว   อริยสฺส   วินเย   ยทิทํ  มาตุ
ถญฺญํ   ฯ   ส   โข   โส   ภิกฺขเว  กุมาโร  วุฑฺฒิมนฺวาย  อินฺทฺริยานํ
ปริปากมนฺวาย   ยานิ   ตานิ   กุมารกานํ   กีฬาปนกานิ   เตหิ   กีฬติ
เสยฺยถีทํ  วงฺกํ  ฆฏิกํ  โมกฺขจิกํ  จิงฺคุลิกํ  ๑-  ปตฺตาฬฺหกํ  รถกํ ธนุกํ ฯ
ส   โข  โส  ภิกฺขเว  กุมาโร  วุฑฺฒิมนฺวาย  อินฺทฺริยานํ  ปริปากมนฺวาย
ปญฺจหิ      กามคุเณหิ      สมปฺปิโต      สมงฺคีภูโต      ปริจาเรติ
จกฺขุวิญฺเญยฺเยหิ    รูเปหิ    อิฏฺเฐหิ    กนฺเตหิ   มนาเปหิ   ปิยรูเปหิ
กามูปสญฺหิเตหิ   รชนีเยหิ   เปมนีเยหิ   โสตวิญฺเญยฺเยหิ  สทฺเทหิ  ...
ฆานวิญฺเญยฺเยหิ    คนฺเธหิ    ...   ชิวฺหาวิญฺเญยฺเยหิ   รเสหิ   ...
กายวิญฺเญยฺเยหิ   โผฏฺฐพฺเพหิ   อิฏฺเฐหิ   กนฺเตหิ   มนาเปหิ  ปิยรูเปหิ
กามูปสญฺหิเตหิ รชนีเยหิ เปมนีเยหิ ฯ
----