อภิธานปฺปทีปิกา

กระทู้คำถาม
นโม ตสฺส ภควโต อรหโต สมฺมาสมฺพุทฺธสฺสฯ

อภิธานปฺปทีปิกา

ตถาคโต โย กรุณากโร กโร- ปยาตโมสชฺช สุขปฺปทํ ปทํ;
อกา ปรตฺถํ กลิสมฺภเว ภเว, นมามิ ตํ เกวลทุกฺกรํ กรํฯ

อปูชยุ ํ ยํ มุนิกุญฺชรา ชรา- รุชาทิมุตฺตา ยหิมุตฺตเร ตเร;
ฐิตา ติวฏฺฏมฺพุนิธึ นรานรา, ตรึสุ ตํ ธมฺมมฆปฺปหํ ปหํฯ

คตํ มุนินฺโทรสสูนุตํ นุตํ, สุปุญฺญเขตฺตํ ภุวเนสุ ตํ สุตํ;
คณมฺปิ ปาณีกตสํวรํ วรํ, สทา คุโณเฆน นิรนฺตรนฺตรํฯ

นามลิงฺเคสุ โกสลฺล- มตฺถนิจฺฉยการณํ;
ยโต มหพฺพลํ พุทฺธ- วจเน ปาฏวตฺถินํฯ

นามลิงฺคานฺยโต พุทฺธ- ภาสิตสฺสารหานฺยหํ;
ทสฺสยนฺโต ปกาเสสฺส- มภิธานปฺปทีปิกํฯ

ภิยฺโย รูปนฺตรา สาห- จริเยน จ กตฺถจิ;
กฺวจาหจฺจวิธาเนน, เญยฺยํ ถีปุนฺนปุ ํสกํฯ

อภินฺนลิงฺคานํเยว, ทฺวนฺโท จ ลิงฺควาจกา;
คาถาปาทนฺตมชฺฌฏฺฐา, ปุพฺพํ ยนฺตฺยปเร ปรํฯ

ปุมิตฺถิยํ ปทํ ทฺวีสุ, สพฺพลิงฺเค จ ตีสฺวิติ;
อภิธานนฺตรารมฺเภ, เญยฺยํ ตฺวนฺตมถาทิ จฯ

ภิยฺโย ปโยคมาคมฺม, โสคเต อาคเม กฺวจิ;
นิฆณฺฑุยุตฺติญฺจานีย, นามลิงฺคํ กถียติฯ
แก้ไขข้อความเมื่อ
แสดงความคิดเห็น
โปรดศึกษาและยอมรับนโยบายข้อมูลส่วนบุคคลก่อนเริ่มใช้งาน อ่านเพิ่มเติมได้ที่นี่