.

               สวัสดีค่ะทุกคนขา คืนนี้ก่อนนอนก็มาพบกับบอสอีกเช่นเคยน้อ คืนนี้บอสมีเพลงหมอลำมาฝากค่ะ มาส่งเข้านอนกัน นั่นก็คือเพลง *ความคิดฮอดสั่งมา* ค่า ก็เพราะความคิดฮอดสั่งมานั่นล่ะ บอสจังมา อิอิ

              ทุกคนขา บอสอยากเว้าลาวได้ไหม บอสพิมพ์เป็นภาษาอิสานน้อ บอสเว้าอิสานแหม ต้องขออภัยคนภาคอื่นที่เข้ามาอ่านด้วยนะคะ ขออภัยจริง ๆ ไม่เข้าใจกดออกจากกระทู้เลื่อนผ่านโลด แหแหแห 🤣🤣🤣

เริ่ม!
             สวัสดีพี่น้องห้องเพลง!!!  มื้อนี้กะมาพบกับบอสอีกแล้ว บอสติดใจห้องเพลงแล้วล่ะ บอสม่วนแหมะ เอาเพลงมาลงไปลงมาบอสกะม่วน เขียนไปเขียนมาบอสกะม่วนบาดหนิ

               เชื่อบ่! ว่าบอสเป็นคนบ่มักเว้านะ แต่เขียนได้ บอสเว้าบ่ได้ในสิ่งที่บอสคิด แต่บอสสามารถเขียนได้ทุกอย่างในสิ่งที่บอสคิด บอสเลยมักเขียนจังใดบุ

             ข่อยเว้าบ่เก่งแต่ข่อยเขียนเก่งเด้ 5555 ห้าทุ่มสิเป็นเวลาห้องเพลงของบอสเด้อ เฮาสิพ้อกันตอนห้าทุ่ม หนึ่งทุ่งถึงสี่ทุ่มเป็นเวลาเขียนนิยายของบอส เอ้อบอสจะบอกซุมเจ้าว่าบอสเขียนนิยายเด้อ อยู่ถนนนักเขียนพุ้นล่ะ นำหาเอาโลด

               เป็นหยังบอสคือบ่ไปเขียนในถนนโลด ขั้นสิเว้าหลายปานหนิแมนบ่! หื่อบอสบ่ไป บอสมักห้องเพลง อยู่ห้องเพลงบอสเว้าได้สุอย่าง สุความรู้สึกแหมะ ห้องนิยายกะคือห้องนิยาย เอาไว้ลงนิยายอย่างเดียว แต่ว่าบอสว่าบอสติดใจห้องเพลงแล้วล่ะ



              คิดเหมือนกันหรือเปล่าบ่ฮู้ ทุกความเป็นอยู่บรรจุเจ้าเป็นคนสำคัญ มีค่าต่อใจ มีความหมายต่อเส้นทางฝันที่สุดของวันนั่นคือการได้มาพบเธอ


               บอสเคยบอกพี่น้องไปแล้วว่า เพลงทุกเพลงที่บอสลงมีความหมายเด้ เพลงมันบอกความฮู้สึกแทนปากของเฮาได้ ฮู้ว่าเฮาเป็นจังใด ฮู้สึกแบบใด นี่ล่ะบอสเลยมักฟัง ซุมเจ้ามักบ่ มาแชร์นำกันได้เด้อ เว้ากันได้ บอสบ่กัด บอสฉีดยาแล้ว 5555 🤣🤣🤣🤣

              เพลงนี้ดังตะบอสอยู่ ม.6 จะขึ้นปี 1 มั้ง บอสจำได้ บอสเปิดฟังสุมื้อ นั่งไกวอู่ไปนำฟังเพลงไปพร้อมพุ่นแล่ว 555 ข่อยอินดี้เด้ ยายข่อยกะบ่ด่า 🤣🤣🤣 แต่ฮ่ายสึ ๆ บอสมั๊ก ๆ เด้อ้ายมนต์แคน ตอนนั้นกะป๊อปปี้เลิฟน้อ มีความฮักสั่นแล้ว แฮงฟังเพลงนี้แฮงเข้ากับความฮู้สึกบาดหนิ ฟังมันสุมื้อเลยบาดหนิ

               “ความคิดฮอดสั่งมาพุ่นแล้ว” 55555 ส่งให้ผู้บ่าว ผู้บ่าวมักเกาหลีบาดหนิ ผู้จะของมักหมอลำ 🤣🤣🤣 มันกะบ่ฟังให้ข่อยเด้ มันบ่มักน้อ ข่อยกะเครียดบัดหนิคนส่งเพลงให้ฟังบ่ฟัง จังแมนคักยังวะ บ้าอิหลิสมัยตะกิ

               ตอนหนิข่อยกะอยากให้คน ๆ นึงอยู่เด้ แต่ข่อยบ่ให้เราหรอก ข่อยซังเราแล้ว ข่อยตัดหางเราปล่อยวัดล่ะ ให้เราไปหาคนที่เราถืกใจโลด บ่มีเราข่อยกะบ่ตายหรอก เพราะข่อยตายละ ตายด้าน!!!! 55555 ข่อยบ่มีความรู้สึกล่ะ ถึงข่อยมีข่อยกะสิบ่ให้จะของมี! 😕🙁🙁😒😒😒 ซางเถาะ สิมาดราม่าหยังสาวเซาถะแหมะ! (บอกจะของ 555)

               บอสสิบ่เว้าถึงเพิ่นอีกต่อไป บอสสัญญากับจะของไว้แล้ว บอสกับเพิ่นสิบ่ฮู้จักกันอีก 😔😣😔😣 อย่าให้บอสเว้าถึงเพิ่นหลาย บอสสิไห้! 😭😭 บอสอยู่ได้ บ่มีเพิ่นบอสกะอยู่ได้ บ่มีไผจักคนบอสกะอยู่ได้ บ่ตาย! แต่สิเหงาแน่จักนอย คนเคยเว้ากันน้อ แต่ว่าถนนบางเส้นเฮากะจำเป็นต้องยางผู้เดียว ถ้ายางไปเป็นกลุ่มล่ะจะของเจ็บปวด เฮากะจำเป็นต้องปลีกตัวออกมายางคนเดียวนั่นล่ะ แม่นบ่หั่นซุมเจ้าว่า เซา ๆ สิมาเศร้าหยัง ความเพิ่นบ่ได้สนใจเฮาจักเมด

               เป็นหยังบอสคือบ่อยากเว้ากับเราเพราะ บอสย้านบอสลืมตัว เว้ากับเราล่ะมีความสุข 😊😊 นึกถึงตะกี้กะม่วนนะ แล้วบอสมักลืมตัว ยามเราไปเว้ากับคนอื่นแล้วบอสเสียความฮู้สึกตั้ว บอสเลยบ่อยากเว้ากับเราอีก บอสกะต้องเซฟความฮู้สึกจะของนำนั่นล่ะ

              บอสบ่ขอลืมเรื่องราวที่ผ่านมา เพราะมันคือความสุข เป็นหยังเฮาต้องลืมความสุขของเฮา บ่จำเป็นเลย ให้มันอยู่ในความทรงจำดีที่สุด แล้วกะบ่มีวันลืมความสุขนั่นพร้อม แต่บอสสิบ่ขอกลับไปเว้ากับเราอีกทอนั่นล่ะ 😣😣😔 เพิ่นบ่ได้เป็นบอสเพิ่นบ่มีทางเข้าใจ แล้วบอสกะบ่ให้ไผมาเข้าใจบอสพร้อม ขอบอกไว้ก่อนเลย! บอสสิเป็นของบอสจังสิล่ะ

               ให้บอสเว้าบอสเว้าบ่ได้เด้ ให้บอสเขียนนะบอสเขียนได้เมิดมื้อ พี่น้องห้องเพลงเชื่อบ่ บอสเป็นแม่ค้าเด้! 5555 แต่บอสเว้าบ่เก่ง คนฟังนำบ่ทันสึ ๆ 🤣🤣🤣 หยอก ๆ จ้า เว้าบ่เก่งอี่หลิจ้า

               อ่ะกลับมา! กลับมาเรื่องเพลง บอสอยากย้อนใส่คักเด้อ ได้ยินเสียงบ่ลำบ่อค่อยได้เด้บอส ใจมันห่าว! แต่ต้องเก็บอาการ เพลงกลอนลำของอ้ายมนต์แคนกะได้อยู่ เพลงนี้กะม่วนลองเปิดฟังเด้อ

               สำหรับคืนนี้ทุกคนขา บอสส่งเข้านอนกับเพลงนี่น้อ “ความคิดฮอดสั่งมา” มื้ออื่นสิเป็นเพลงหยัง มาถ่าฟังกันเด้อ บอสมักห้องเพลงแล้วล่ะ บอสม่วน! ได้ลงเพลงได้เขียนพร้อม บอสบ่เข้าไปเขียนในถนนนักเขียน จักบอสกะบ่จักคือกันเป็นหยังบอสคือบ่อยากไป

               มันบ่แมนนิยายน้อ บ่แมนผู้ลังคน เนื้อหาเป็นจังนึง แต่แท็กห้องกลอนเฉย! 🤣🤣🤣🤣🤣🤣 อย่างว่าล่ะน้อ คนนิสัยดี ผู้ดีน้อ เฮดหยังกะได้เมิดนั่นล่ะ อิอิ 555555 หืย! บอสล่ะขี้เดียดหลาย บอสอิจฉาเขามั้ง 55555 บอสขี้เดียดหนู บอสอิจจาหนูมั้ง! 🤣🤣🤣🤣 บอสบ่แมนคนนิสัยดีเด้อสิบอกให้! มีผู้นึงว่า เป็นคนน่ารักของทุกคนว่าซ้าน!!! บอสกะฟ้าวเถียงโลด ยกเว้นกูค่า!!! เขาผู้นั่นกะสิว่า กูหมายถึงทุกคนก็จริงแต่ยกเว้นมืง 5555 🤣🤣🤣 กะซางจ้า ฮ้อนโตน้อ ความบ่ได้มัก กะออกโตไว้ก่อนแล่ว

               เอาล่ะทุกคนขา บอสขออำลาพาจากกันเพียงเท่านี้นะคะ เจอกับบอสใหม่ในคืนพรุ่งนี้ มาดูกันว่าบอสจะเอาเพลงอะไร ของใคร มาบอกฝันดีนะคะ สำหรับคืนนี้ฝันดีทุกคนจา ราตรีสวัสจ้า!!! 😵😪😴🥱🥱🥱