มีเสียงแคนเสียงลำที่ล้ำค่า
ปู่ย่าพาสืบสานรุ่นต่อรุ่น
อย่าถิ่มไว้ให้มันจับเป็นฝุ่น
เสียงลำพุ้นมรดกอีสานเฮา

คนต่างชาติได้ฟังยังหลงไหล
เสียงแคนใสนุ่มหูบ่เคยเศร้า
คนฝรั่งหลายคนเริ่มฝึกเป่า
เสียงแคนเจ้าม่วนหลายเพิ่นเว้ามา

สืบสานไว้มรดกของบ้านเฮา
กลอนลำเก่าปู่ย่าสอนบักหล้า
คนยุคใหม่บอกว่าบ่เข้าท่า
มันต้องหาฟังร็อคและอินดี้

คันลูกหลานบ่สนมันกะหาย
มัวแต่อายรากเหง้าอยู่จังซี่
วัฒนธรรมอีสานเป็นของดี
อย่าสิหนีรากเหง้าเจ้าของลูก