วันนี้วันพระ (วันธัมมัสวนะ) เป็นกาลฟังธรรม ย้อนอ่านปุณณกมาณวปัญหา โสฬสปัญหาที่ ๓

พระไตรปิฎกเล่มที่ ๒๕ ภาษาบาลี อักษรไทย
 พระสุตตันตปิฎกเล่มที่ ๑๗ สุตฺต. ขุ. ขุทฺทกปาฐ-ธมฺมปทคาถา-อุทานํ-อิติวุตฺตก-สุตฺตนิปาตา
       สุตฺตนิปาเต ปญฺจมสฺส ปารายนวคฺคสฺส ตติยา ปุณฺณกปญฺหา
     [๔๒๗]   |๔๒๗.๑๔๗๑| ๓ อเนชํ มูลทสฺสาวึ (อิจฺจายสฺมา ปุณฺณโก)
                          อตฺถี ปเญฺหน อาคมํ
                          กึ นิสฺสิตา อิสโย มนุชา
                          ขตฺติยา พฺราหฺมณา เทวตานํ
                          ยญฺญมกปฺปึสุ ๑- ปุถูธ ๒- โลเก
                          ปุจฺฉามิ ตํ ภควา พฺรูหิ เม ตํ ฯ
     |๔๒๗.๑๔๗๒| เย เกจิเม อิสโย มนุชา (ปุณฺณกาติ ภควา)
                          ขตฺติยา พฺราหฺมณา เทวตานํ
                          ยญฺญมกปฺปึสุ ๑- ปุถูธ ๒- โลเก
                          อาสึสมานา ปุณฺณก อิตฺถตํ ๓-
                          ชรํ ๔- สิตา ยญฺญมกปฺปยึสุ ฯ
     |๔๒๗.๑๔๗๓| เย เกจิเม อิสโย มนุชา (อิจฺจายสฺมา ปุณฺณโก)
                          ขตฺติยา พฺราหฺมณา เทวตานํ
@เชิงอรรถ: ๑ โป. ยุ. สพฺพตฺถ ยญฺญมกปฺปยึสุ ฯ  ๒ ยุ. ปุทู อิธ ฯ  ๓ ม. อิตฺถตฺตํ ฯ
@ยุ. อิตฺถภาวํ ฯ ๔ โป. โอรํ ฯ
                          กญฺญมกปฺปึสุ ปุถูธ โลเก
                          กจฺจิสฺสุ เต ภควา (ยญฺญปเถ) อปฺปมตฺตา
                          อตารุ ชาติญฺจ ชรญฺจ มาริส
                          ปุจฺฉามิ ตํ ภควา พฺรูหิ เม ตํ ฯ
     |๔๒๗.๑๔๗๔| อาสึสนฺติ ๑- โถมยนฺติ (อภิชปฺปนฺติ) ชุหนฺติ (ปุณฺณกาติ ภควา)
                          กามาภิชปฺปนฺติ ปฏิจฺจ ลาภํ
                          เต ยาชโยคา ภวราครตฺตา
                          นาตรึสุ ชาติชรนฺติ พฺรูมิ ฯ
     |๔๒๗.๑๔๗๕| เต เจ ๒- นาตรึสุ ยาชโยคา (อิจฺจายสฺมา ปุณฺณโก)
                          ยญฺเญหิ ชาติญฺจ ชรญฺจ มาริส
                          อถ โก จรหิ เทวมนุสฺสโลเก
                          อตาริ ชาติญฺจ ชรญฺจ มาริส
                          ปุจฺฉามิ ตํ ภควา พฺรูหิ เม ตํ ฯ
     |๔๒๗.๑๔๗๖| สงฺขาย โลกสฺมึ ปโรวรานิ ๓- (ปุณฺณกาติ ภควา)
                          ยสฺสิญฺชิตํ นตฺถิ กุหิญฺจิ โลเก
                          สนฺโต วิธูโม อนิโฆ นิราโส
                          อตาริ โส ชาติชรญฺจ พฺรูมีติ ฯ
                                      ปุณฺณกมาณวกปญฺหา ตติยา ฯ
                                          -------------
@เชิงอรรถ: ๑ โป. ม. อาสีสนฺติ ฯ  ๒ โป. เต เว นาตรึสุ ฯ  ๓ ม. ปโรปรานิ ฯ