แนวกินอีสานบ้านเฮา 100 เมนู ตอนที่ 11 เมนูที่ 11
แกงอ่อมบักหอยจูบ หรือว่า แกงสุดที่รัก เด้อครับ พ่อแม่พี่น้อง
เสียงตีระฆังดัง เง๋งๆๆ บอกให้ฮู้ว่าเป็นเวลาโรงเรียนเลิก บักอ้ายฟ้าวคว้าจักรยานคู่ใจที่อีพ่อซื้อให้
เพราะว่าสอบได้ที่หนึ่ง(ขี้คุยแต่น้อยเนาะเจ้า)บักอ้ายปั่นออกจากโรงเรียนหลังจากเลิกแถว
พอมาฮอดบ้านกะเฮ็นอีแม่ถือกะตร้าเตรียมพร้อมไว้แล้ว
ส่วนอีพ่อกะเอาผ้าขาวม้ามามัดเอวเสียบอีโต้ลงไปทางหลังบอกว่าพร้อมแล้วคือกัน
“ไปเปลี่ยนเสื้อผ้าไวๆสิพาไปงมบักหอย”
(ขอขอบคุณรูปนี้จาก siamensis.oegเดอครับที่ให้นำมาประกอบความม่วน)
พอมาถึงห้วยน้ำ เฮากะลงไปงมหอยจูบตามน้ำตื้นๆ
อีแม่ยังบอกอีกว่า หอยขรัวกับหอยจูบ(หอมขม)มันบ่คือกัน
บักหอยขวัญต้องเอาเสียมไปขุดเอาตามทุ่งนา ยามหน้าแล้ง
เพราะมันจำศีลอยู่คือจั่งกบนี่ล่ะ ส่วนบักหอยจูบกะมางมเอาตามห้วยน้ำ
ข้อแตกต่างอีกอย่างหนึ่งกะคือ หอยขรัวสิมีเนื้อหนากว่าหอยจูบ
(ภาพบรรยากาศอีสานบ้านเฮางามๆเนาะ ขอบคุณเด้อจากเพจดังแดนดินถิ่นมาตุภูมิ)
ที่เว้ามาทั้งหมดกะคือเหตุการณ์ที่ผ่านมาแล้วร่วมซาวปี
บ่ต้องมาคำนวณอายุบักอ้ายดอกเด้อ
บักอ้ายยังเป็นผู้บ่าวซำน้อยอยู่
อีแม่กะถามดู๋ๆว่าเป็นหยังเมิงจั่งบ่มีเมียจักเถื่อบักอ้าย
อีแม่จ๋า บักอย่ายังฮักอิสระอยู่เด้ 555 คักเนาะ
มื้อนี้วันนี้ เฮากะเดินทางมาพร้อมกันจนฮอดเมนูที่ 11 แล้วเนาะ
สำหรับเมนูดีเมนูเด็ดมื้อนี้บักอ้ายขอนำเสนอ
แกงอ่อมบักหอยจูบ หรือสิเอิ้นว่า แกงสุดที่รักกะสิเด้
มาแนมเบิ่งส่วนผสมนำกันก่อนว่ามีอีหยังแน่
บ่ยากๆ
• พระเอกมาโลดมีบักหอยจูบ (หอยขม)
• นางเอกของเฮาคือใบผักอีตู่ (แมงลัก)เพราะว่านางชื่ออีตู่นางเลยได้เป็นนางเอก
• เกลือ
• ข่า
• หัวคิงไค
• ข้าวเบือ(ข้าวสารแช่น้ำ)
• บักพริก
• กระเทียม
• ผักบั่ว(หอมแดง)
• ผักกะแยง
• น้ำปลา
• ปลาร้าปลากิเดิดอย่างดีเด้
• ใบผักอีเลิศ(ใบชะพลู)
ส่วนวิธีเฮ็ดกะบ่ต้องห่วง ขั้นตอนมีบ่หลาย ง่ายๆ
แถมได้กิน แกงบักหอยสูตรอีสานต้อนตำหรับแท้ๆ
ว่าแล้วกะมาย่าวๆกันโลด
วิธีเฮ็ด อ่อมหอยจูบ มีดังต่อไปนี้
เลขที่ออก 00
บ่แม่นแล้วบักอ้าย อันนั้นมันออกเลขออกเบอร์ ตัวนี้คือสิซื้อเลขดุเนาะ
มัวแต่เล่นยุ บ่แล้วจักเทื่อ วิธีเฮ็ดกะเริ่มจาก
เอาหอยจูบมาแช่ไว้ให้มันคายขี้ดินออกมา
เอาจั่งเอาหอยจูบมาตัดก้นให้มันสะอาด
แล้วล้างน้ำอีกหลายๆเทื่อเด้อ ให้ขี้ดินมันหมด คันสั่นเวลากินแข่วหักบักอ้ายบ่อรับรองเด้
หั่นเครื่องแกงแล้วจั่งเอาบักพริก กระเทียม หัวผักบั่ว ข่า หัวคิงไค เกลือ มาตำรวมกันให้ละเอียด
ข้าวเบือนำเด้อ อย่าลืม ตำเข้าไป ตำแฮงๆโลด ครกมันบ่แตกดอก
พวกผักต่างๆ กะจัดการเตรียมเอาไว้ก่อน หลังจากล้างให้สะอาดแล้ว
ผักอีตู่กะเอามาเด็ด ผักอีเลิศกับผักกะแยงกะเอามาหั่นเป็นท่อนๆไว้ท่า
เอาเลยมะ พร้อมแล้วได้เลย เอามาเลยหัวใจฉันพันสูบ
บักอ้ายบักฮ้องเพลงในครัว เพราะว่าอยากได้ผัวเฒ่า
ค่อยๆเด้อ เดี๋ยวอีแม่ได้ยินเลาสิหัวใจวาย
พร้อมแล้วเนาะ บัดทีนี้กะเอาหม้อใส่น้ำ ท่าให้น้ำมันเดือด แล้วเอาบักหอยใส่หม้อโลด
ท่าในหม้อเดือดอีกเทื่อ ค่อยเอาเครื่องแกงของเฮาใส่ลงไป
ผู้ลังคนเพิ้นกะเฮ็ดแบบเอาข่าสับ หัวคิงไคหั่นเป็นท่อน ๆ
ใส่ลงในหม้อแต่ว่าบักอ้ายเอามาตำฮวมกันหมดโลด มันนัวกว่าแม้
แล้วแต่เด้อ สูตรใครก็ส่วนใครนะคะคู้ณ
บัดที่นี่กะเอาข้าวเบือที่เฮาตำละเอียดแล้วใส่ลงในหม้อ คนให้มันเข้ากัน จนข้าวเบือสุก
ถามว่าเป็นหยังจั่งต้องใส่ข้าวเบือ ที่ต้องใส่เพราะว่าอยากสิให้น้ำแกงมันเหนียวแล้วกะข้นขึ้นนั่นเอง
ต่อไปกะใส่ผักอีตู่ ใบอีเลิศ ผักกะแยง คนก่อนเด้อ
แล้วจั่งค่อยปรุงรสด้วยเกลือ น้ำปลาร้า น้ำปลา
คันมักหวานกะใส่น้ำตาลจักหน่อยกะได้
ท่าให้เดือด แล้วยกหม้อลงตักใส่ถ้วย
ได้เวลากะเอาข้าวเหนี่ยวฮ้อนๆมาจ้ำลงไป ป้าด!!หอมผักกะแยงคัก
เมนูนี้บักอ้ายแนะนำให้หาหมอลำเพลงฮักจักเพลงมาเปิดตอนกิน
ผู้ได๋มีผุบ่าวกะเอิ้นบุบ่าวมากินนำ ผุได๋มีผู้สาวกะเอิ้นผุสาวมากันนำ
เพราะว่ามันต้องจูบกันสนั่นหวั่นไหว
มื้อนี้บักอ้ายกะต้องโบกมือลาไป กับกลอนลำกลอนนี้ก่อน
เอาไว้พ้อกันใหม่
ขอโตไปจูบกับแกงสุดที่รักก่อนเด้อ
https://www.youtube.com/watch?v=3WUXjR7ntqE
แนวกินอีสานบ้านเฮา 100 เมนู ตอนที่ 11 เมนูที่ 11 แกงสุดที่รัก(แกงอ่อมบักหอยจูบ)
แนวกินอีสานบ้านเฮา 100 เมนู ตอนที่ 11 เมนูที่ 11
แกงอ่อมบักหอยจูบ หรือว่า แกงสุดที่รัก เด้อครับ พ่อแม่พี่น้อง
เสียงตีระฆังดัง เง๋งๆๆ บอกให้ฮู้ว่าเป็นเวลาโรงเรียนเลิก บักอ้ายฟ้าวคว้าจักรยานคู่ใจที่อีพ่อซื้อให้
เพราะว่าสอบได้ที่หนึ่ง(ขี้คุยแต่น้อยเนาะเจ้า)บักอ้ายปั่นออกจากโรงเรียนหลังจากเลิกแถว
พอมาฮอดบ้านกะเฮ็นอีแม่ถือกะตร้าเตรียมพร้อมไว้แล้ว
ส่วนอีพ่อกะเอาผ้าขาวม้ามามัดเอวเสียบอีโต้ลงไปทางหลังบอกว่าพร้อมแล้วคือกัน
“ไปเปลี่ยนเสื้อผ้าไวๆสิพาไปงมบักหอย”
(ขอขอบคุณรูปนี้จาก siamensis.oegเดอครับที่ให้นำมาประกอบความม่วน)
พอมาถึงห้วยน้ำ เฮากะลงไปงมหอยจูบตามน้ำตื้นๆ
อีแม่ยังบอกอีกว่า หอยขรัวกับหอยจูบ(หอมขม)มันบ่คือกัน
บักหอยขวัญต้องเอาเสียมไปขุดเอาตามทุ่งนา ยามหน้าแล้ง
เพราะมันจำศีลอยู่คือจั่งกบนี่ล่ะ ส่วนบักหอยจูบกะมางมเอาตามห้วยน้ำ
ข้อแตกต่างอีกอย่างหนึ่งกะคือ หอยขรัวสิมีเนื้อหนากว่าหอยจูบ
(ภาพบรรยากาศอีสานบ้านเฮางามๆเนาะ ขอบคุณเด้อจากเพจดังแดนดินถิ่นมาตุภูมิ)
ที่เว้ามาทั้งหมดกะคือเหตุการณ์ที่ผ่านมาแล้วร่วมซาวปี
บ่ต้องมาคำนวณอายุบักอ้ายดอกเด้อ
บักอ้ายยังเป็นผู้บ่าวซำน้อยอยู่
อีแม่กะถามดู๋ๆว่าเป็นหยังเมิงจั่งบ่มีเมียจักเถื่อบักอ้าย
อีแม่จ๋า บักอย่ายังฮักอิสระอยู่เด้ 555 คักเนาะ
มื้อนี้วันนี้ เฮากะเดินทางมาพร้อมกันจนฮอดเมนูที่ 11 แล้วเนาะ
สำหรับเมนูดีเมนูเด็ดมื้อนี้บักอ้ายขอนำเสนอ
แกงอ่อมบักหอยจูบ หรือสิเอิ้นว่า แกงสุดที่รักกะสิเด้
มาแนมเบิ่งส่วนผสมนำกันก่อนว่ามีอีหยังแน่
บ่ยากๆ
• พระเอกมาโลดมีบักหอยจูบ (หอยขม)
• นางเอกของเฮาคือใบผักอีตู่ (แมงลัก)เพราะว่านางชื่ออีตู่นางเลยได้เป็นนางเอก
• เกลือ
• ข่า
• หัวคิงไค
• ข้าวเบือ(ข้าวสารแช่น้ำ)
• บักพริก
• กระเทียม
• ผักบั่ว(หอมแดง)
• ผักกะแยง
• น้ำปลา
• ปลาร้าปลากิเดิดอย่างดีเด้
• ใบผักอีเลิศ(ใบชะพลู)
ส่วนวิธีเฮ็ดกะบ่ต้องห่วง ขั้นตอนมีบ่หลาย ง่ายๆ
แถมได้กิน แกงบักหอยสูตรอีสานต้อนตำหรับแท้ๆ
ว่าแล้วกะมาย่าวๆกันโลด
วิธีเฮ็ด อ่อมหอยจูบ มีดังต่อไปนี้
เลขที่ออก 00
บ่แม่นแล้วบักอ้าย อันนั้นมันออกเลขออกเบอร์ ตัวนี้คือสิซื้อเลขดุเนาะ
มัวแต่เล่นยุ บ่แล้วจักเทื่อ วิธีเฮ็ดกะเริ่มจาก
เอาหอยจูบมาแช่ไว้ให้มันคายขี้ดินออกมา
เอาจั่งเอาหอยจูบมาตัดก้นให้มันสะอาด
แล้วล้างน้ำอีกหลายๆเทื่อเด้อ ให้ขี้ดินมันหมด คันสั่นเวลากินแข่วหักบักอ้ายบ่อรับรองเด้
หั่นเครื่องแกงแล้วจั่งเอาบักพริก กระเทียม หัวผักบั่ว ข่า หัวคิงไค เกลือ มาตำรวมกันให้ละเอียด
ข้าวเบือนำเด้อ อย่าลืม ตำเข้าไป ตำแฮงๆโลด ครกมันบ่แตกดอก
พวกผักต่างๆ กะจัดการเตรียมเอาไว้ก่อน หลังจากล้างให้สะอาดแล้ว
ผักอีตู่กะเอามาเด็ด ผักอีเลิศกับผักกะแยงกะเอามาหั่นเป็นท่อนๆไว้ท่า
เอาเลยมะ พร้อมแล้วได้เลย เอามาเลยหัวใจฉันพันสูบ
บักอ้ายบักฮ้องเพลงในครัว เพราะว่าอยากได้ผัวเฒ่า
ค่อยๆเด้อ เดี๋ยวอีแม่ได้ยินเลาสิหัวใจวาย
พร้อมแล้วเนาะ บัดทีนี้กะเอาหม้อใส่น้ำ ท่าให้น้ำมันเดือด แล้วเอาบักหอยใส่หม้อโลด
ท่าในหม้อเดือดอีกเทื่อ ค่อยเอาเครื่องแกงของเฮาใส่ลงไป
ผู้ลังคนเพิ้นกะเฮ็ดแบบเอาข่าสับ หัวคิงไคหั่นเป็นท่อน ๆ
ใส่ลงในหม้อแต่ว่าบักอ้ายเอามาตำฮวมกันหมดโลด มันนัวกว่าแม้
แล้วแต่เด้อ สูตรใครก็ส่วนใครนะคะคู้ณ
บัดที่นี่กะเอาข้าวเบือที่เฮาตำละเอียดแล้วใส่ลงในหม้อ คนให้มันเข้ากัน จนข้าวเบือสุก
ถามว่าเป็นหยังจั่งต้องใส่ข้าวเบือ ที่ต้องใส่เพราะว่าอยากสิให้น้ำแกงมันเหนียวแล้วกะข้นขึ้นนั่นเอง
ต่อไปกะใส่ผักอีตู่ ใบอีเลิศ ผักกะแยง คนก่อนเด้อ
แล้วจั่งค่อยปรุงรสด้วยเกลือ น้ำปลาร้า น้ำปลา
คันมักหวานกะใส่น้ำตาลจักหน่อยกะได้
ท่าให้เดือด แล้วยกหม้อลงตักใส่ถ้วย
ได้เวลากะเอาข้าวเหนี่ยวฮ้อนๆมาจ้ำลงไป ป้าด!!หอมผักกะแยงคัก
เมนูนี้บักอ้ายแนะนำให้หาหมอลำเพลงฮักจักเพลงมาเปิดตอนกิน
ผู้ได๋มีผุบ่าวกะเอิ้นบุบ่าวมากินนำ ผุได๋มีผู้สาวกะเอิ้นผุสาวมากันนำ
เพราะว่ามันต้องจูบกันสนั่นหวั่นไหว
มื้อนี้บักอ้ายกะต้องโบกมือลาไป กับกลอนลำกลอนนี้ก่อน
เอาไว้พ้อกันใหม่
ขอโตไปจูบกับแกงสุดที่รักก่อนเด้อ
https://www.youtube.com/watch?v=3WUXjR7ntqE
คันมัก อยากติดตามอ่านกระทู้ของบักอ้ายๆ ตั้งแต่ตอนแรก จนตอนปัจจุบัน
กะสามารถเข้าไปติดตาม อ่านได้จาก Bloggang ของบักอ้ายได้
กดติดตามจากลิงค์ข้างไต้โลด
ขอบคุณหลายๆเด้อครับผม
http://www.bloggang.com/mainblog.php?id=boylovestory
หรือบ่กะ กดไปอ่านกระทู้เก่าย่อนหลังได้ กดโลดครับ
บักอ้ายเข้าครัว แนวอยู่แนวกินคนอีสานบ้านเฮา ตอนที่ 1 แจ่วบองของแท้
http://pantip.com/topic/35187551
บักอ้ายเข้าครัว แนวอยู่แนวกินคนอีสานบ้านเฮา ตอนที่ 2 ลาบบักเขือ สูตร ลาวแง้ว
http://pantip.com/topic/34209489
บักอ้ายเข้าครัว แนวอยู่แนวกินคนอีสานบ้านเฮา ตอนที่ 3 เมี่ยงหมูย่างจิ้มแจ่ว รสจัดจ้านจนต้องเสียน้ำตา
http://pantip.com/topic/34161831
บักอ้ายเข้าครัว แนวอยู่แนวกินคนอีสานบ้านเฮา ตอนที่ 4 ลาบเลือด พะนะ
http://pantip.com/topic/34137371
บักอ้ายเข้าครัว แนวอยู่แนวกินคนอีสานบ้านเฮา ตอนที่ 5 แจ่วเห็ดใส่ปลาทู
http://pantip.com/topic/34128927
บักอ้ายเข้าครัวแนวอยู่แนวกินคนอีสานบ้านเฮา ตอนที่ 6 แกงไก่ใส่หน่อไม้ส้ม สูตร คนอีสานขนาดแท้ พะนะ
http://pantip.com/topic/35500088
บักอ้ายเข้าครัว แนวอยู่แนวกินคนอีสานบ้านเฮา ตอนที่ 7 ตำบักถั่วผักรวมกุ้งอบเกลือ กินกับขนมเส้น
http://pantip.com/topic/35513015
บักอ้ายเข้าครัว แนวอยู่แนวกินคนอีสานบ้านเฮา 100 เมนู ตอนที่ 8 ปลาส้ม แซ้บแซ่บเด้อสู
http://pantip.com/topic/35540380
แนวกินอีสานบ้านเฮา 100 เมนู ตอนที่ 9 เมนูที่ 9 หมกหน่อไม้ใส่ปลาดุก
http://pantip.com/topic/35542756
แนวกินอีสานบ้านเฮา 100 เมนู ตอนที่ 10 เมนูที่ 10 ส้มผัก กับ ผัดไข่ใส่ส้มผัก
http://pantip.com/topic/35549743
แนวกินอีสานบ้านเฮา 100 เมนู ตอนที่ 11 เมนูที่ 11 แกงสุดที่รัก(แกงอ่อมบักหอยจูบ)
http://pantip.com/topic/35559289
แนวกินอีสานบ้านเฮา 100 เมนู ตอนที่ 12 เมนูที่ 12 ตำบักหุ่ง คนอีสานขนานแท้
http://pantip.com/topic/35575329
แนวกินอีสานบ้านเฮา 100 เมนู ตอนที่ 13 เมนูที่ 13 แกงขี้เหล็ก 2 แบบ
http://pantip.com/topic/35584962