แนวกินอีสานบ้านเฮา 100 เมนู ตอนที่ 8 เมนูที่ 8


ลงทุนลงแรงเขียนวิธีเฮ็ดอาหารอีสานบ้านเฮามาหลายเมนูแล้ว
ห่างเขียนกะห่างคึดฮอดความเป็นอีสาน คึดฮอดบรรยากาศเก่าๆ มันกะก่อให้เกิดความสุขขึ้นมาคือกัน
บักอ้ายกะเลยคึดว่า คันจังสั่นกะมาเขียน อาหารอีสาน100เมนู คือสิดีคือกันเนาะ
บักอ้ายขอเอากระทู้เก่าๆมานับรวมนำเนาะ สิได้ค่อยๆเฮ็ด ค่อยๆเขียนไป ให้มันครบ 100 เมนู


บักอ้ายเข้าครัว แนวอยู่แนวกินคนอีสานบ้านเฮา ตอนที่ 1 แจ่วบองของแท้
http://pantip.com/topic/35187551

บักอ้ายเข้าครัว แนวอยู่แนวกินคนอีสานบ้านเฮา ตอนที่ 2 ลาบบักเขือ สูตร ลาวแง้ว
http://pantip.com/topic/34209489



บักอ้ายเข้าครัว แนวอยู่แนวกินคนอีสานบ้านเฮา ตอนที่ 3 เมี่ยงหมูย่างจิ้มแจ่ว รสจัดจ้านจนต้องเสียน้ำตา
http://pantip.com/topic/34161831


บักอ้ายเข้าครัว แนวอยู่แนวกินคนอีสานบ้านเฮา ตอนที่ 4 ลาบเลือด พะนะ
http://pantip.com/topic/34137371


บักอ้ายเข้าครัว แนวอยู่แนวกินคนอีสานบ้านเฮา ตอนที่  5 แจ่วเห็ดใส่ปลาทู
http://pantip.com/topic/34128927


บักอ้ายเข้าครัวแนวอยู่แนวกินคนอีสานบ้านเฮา ตอนที่ 6 แกงไก่ใส่หน่อไม้ส้ม สูตร คนอีสานขนาดแท้ พะนะ
http://pantip.com/topic/35500088



บักอ้ายเข้าครัว แนวอยู่แนวกินคนอีสานบ้านเฮา ตอนที่ 7 ตำบักถั่วผักรวมกุ้งอบเกลือ กินกับขนมเส้น
http://pantip.com/topic/35513015






กะถ่อกลับบักอ้ายเขียนมาแล้ว 7 เมนูเนาะครับเนาะ

ส่วนมือนี้บักอ้ายกะสินำเสนอเป็นเมนูที่ 8
นั่นกะคือ
ส้มปลา หือลังคนกะเอิ่น ปลาส้ม










ส่วนใหญ่แล้ว ปลาส้มกะสิมักเฮ็ดจากปลาตะเพียน

สิกินแต่ละเที่ยกะต้องคอยระมัดระวังก้าง

ก้างมันหลายโพด

แต่รสชาติส้มๆของปลาส้ม มันช่างแซบหลาย

มื้อนี้บักอ้ายเลยลองคิดว่า คันเอาปลาที่มันบ่มีก้างมาเฮ็ดส้มปลา มันสิเป็นจั่งได๋

ว่าแล้วกะเลยต้องลงมือลงแรงเฮ็ดโลด มื้อนี้เอาสะดวกเด้อ

ขับรถไปห้างแม๊คโครพุ่นนะ

ไปเลือกซื้อปลามาเฮ็ด ปลาส้ม ก่อน






มาเบิ่งส่วนผสมหามาได้

ปลากะพงแดง แบบเพิ้นแล่เนื้อเอาไว้แล้ว
เกลือ            
กระเทียมตำ  
ข้าวนึ่ง หรือ ข้าวเหนียวกะได้














สมัยแต่กี้ตั้งแต่บักอ้ายเป็นเด็กน้อยเวลาสิกินปลาส้มแต่ละเที่ย
กะต้องท่าให้อีแม่เพิ้นมาแกะให้กิน
มามื้อนี้อีแม่มายืนเบิ่งบักอ้ายเฮ็ด ปลาส้ม จาก ปลากะพงแดง
เอ้า!! กรูสิท่าเบิ่งมาเมงสิเฮ็ดออกมาแล้ว มันสิกินได้บ่
บักอ้ายกะได้แค่ยิ้มๆ ท่าเบิ่งเอาโลดเนาะ
ว่ามันสิหมู่หือว่าจ่า




มาเบิ่งวิธีเฮ็ดกันโลด
เอาปลากะพงแดงที่ซื้อมาไปล้างน้ำให้มันสะอาด
แล้วๆกะเอาเกลือหมักไว้ ให้มันหมดกลิ่นคาว
แล้วจั่งเอาไปล้างน้ำอีกเที่ยหนึ่งให้หมดรสเค็ม









ตำกระเทียมให้มันละเอียด บักอ้ายใส่กะเทียมไทย มันหอมกว่า
แล้วๆกะพักไว้








เอากระเทียมใส่ลงไป
เอาเกลือใส่ลงไป ตามสมควร หมักส้มๆกะใส่หลายๆ

เอาข้าวใส่ลงไป
คันเป็นข้าวเหนียวเอาไปล้างน้ำ ก่อนมันจั่งสิบ่ติดกัน












เอากระเทียมกับเกลือแล้วกะข้าวทั้งหมดสาม นวดให้มันเข้ากัน









แล้วๆกะเอาใส่ถุง ซ้อนทับอีกถุง
ทิ่มเอาไว้ 3-5  มือ คันมักส้มหลายๆกะทิ่มเอาไว้โดนกว่านั่นกะได้
ทิ่มไว้ในครัว เด้อ อย่าทิ่มในถงขยะ มันสิบ่ได้กิน555
คันอยากเก็บไว้กินให้มันโดนๆ กะทิ่มใส่เอาไว้ในตู้เย็นเด้อ





บัดที่นี้กะผ่านไป 5 มื้อแล้ว  ป้าด!!! คือไวคือจั่งขี้ตั๋วแท้หนอบัดนี้
จกออกมาจากถงโลด
หน้าตากะเป็นแบบนี้ล่ะ




คันบ่อยากกินดิบ กะเอาไปทอดสา





แล้วๆกะย่างไปต่อยเอาหมากลิ้นฟ้ามาย่างไฟ มันขมอ่ำหล่ำ อีแม่เรามักหลายเด้







แล้วจั่งตำป่นกินนำ
ซั่มนี้กะเสร็จเรียบร้อยแล้ว











มาเด้ออีแม่มากินข้าวแลง
อีแม่ลองชิม เรายิ้มๆ
ป้าดโธ้ มันแซ่บอยู่เด้ล่ะ บักหล้า ก้างกะบ่มี
บักอ้ายบอกแล้วว่า
ปลากะพงแดงกะเฮ็ดปลาส้มได้คือกัน
จบแล้วครับ
ไว้พ้อกันไปในตอนหน้าเด้อครับเด้อ
ขอโทษหลายๆบักอ้ายดันไปตั้งเป็นกระทู้คำถาม สิแก้ใหม่กะเฮ็กบ่เป็น