เคยถูกผู้ใหญ่ในบ้านบอกแบบนี้ไหมคะ

อันคือว่า วันอังคารที่ผ่านมาเนาะพอดีกลับบ้าน อันกลับไปฮอดบ้านปึบแม่กับยายกะถามเนาะว่าเถียงกับผัวมาติ ว่าสั้นถามข่อยแหม้กะเลยตอบว่าบ่ละอยากกลับบ้านสื่อๆสั้นดอก แม่กับยาย.......ถ้าผัวมันบ่ดีหลายเถียงแต่กันด่าแต่กันสู่ไปกันบ่รอดดอก ถ้ามันยากหลายสู่กะเลิกกันสะ ......ข่อยได้ยินแบบนี้หน้าแดงกันเลยทีเดียวนะจั่งใดจั่งค่อยบอกข่อยเลิกกับผัวส่ำแม่นเว้าคือเนาะ เว้าปานผัวมันหาง่าย
ผัวเด้อคะผัว บ่แม่นกบบ่แม่นเคียดสิได้ไปหาอยู่ในถงนา จับเอา จับเอา บ่แม่นเด้อคะเด้อ
เว้าฮอดเรื่องผัวเนาะไผสิบ่ฮัก ผัวนั้น กะจ่มกะด่าเถียงกันกับมันสื่อๆนิละกะเป็นธรรมดา
กะย้อนว่าฮักมันนั้นละ เลยเถียงกัน ด่ากัน จ่มให้ มันกะฮู้อยู่ มันหาบ่ได้เด้ผัวคือจั่งผัวข่อย ข่อยจ่ม ข่อยด่า มันกะหัวว่าข่อยไร้สาระ กะจักจั่งใดค่อยบอกข่อยปะผัว