.......ผญา ถามข่าวบ่าวผู้ดี หยอง ลูกหยี.....ว่าอยู่ดีมีแฮงซั่มได๋???

อยากสิถามข่าวเจ้า    ถามคาวบ่าวผู้ดี      
ตั้งแต่หนีจากเฮือน    กลับมาเยือนบ่อน๊อบ้าน??
หรือแม่นอ้ายผู้ดี    สุขีล้ำอยู่กรุงใหญ่?
ปล่อยพี่น้องอาวอา  จ่มหาสุ่แลงเซ้า
หรือแม่นอ้ายบ่าวเจ้า    เป่านกหวีดจนจุกคอ
สังมาแค่นจ่อหล่อ   คือกะทองุ้มไว้ .....แท้น้อ
อ้ายเอ้ย   คั่นแม่นเจ้าสุขี   เป็น”ผู้ดี”ในเมืองกรุง
ก่ะให้เจ้าเลิศรุ่ง  มุ่งฟ้าลอยสะหวัน....เด้ออ้ายเด้อ
ให้เจ้ามีสุขล้ำ    อยู่นำมวลหมาประชาชน
ปล่อยให้คนจนๆ    แบกทุกข์บ่อว่างเว้น  อยู่จั่งซี้

เอาล่ะพอซั่มนี้    วางไว้สาก่อน
จ่มฮอดเจ้ายามใด๋ใจมันผั่ดฮ้ายขึ้น    ย่านข่มบ่ลง....ซั่นแหล่ว