แก๋งเจ้าอุปราชหอหน้า ... เห็ดไข่ห่าน

แก๋งเจ้าอุปราชหอหน้า ... เห็ดไข่ห่าน

ถ้าเผียบเห็ดคนเป๋นเจ้าหอคำแห่งเห็ด เห็ดไข่ห่านค็ท่าจะได้เป๋นเจ้าอุปราชหอหน้า
เห็ดถอบเป๋นเจ้าหอหลัง เห็ดไข่ห่านแก๋งออกมาแล้วน้ำแก๋งหว๊านนนน หวาน
หีบน้ำแก๋งฟั่งลืนลงคอเตื้อ อมไว้สักกำก่อน จะฮุ้ว่ามันลำขนาดไหน ^^
วันนี้จ๊ะต๋าดีนักหนาไปกาดค็ขวาย แต่เป๋นว่าโจคดีมีเห็ดไข่ห่านถุงบ่ะเหล้ร
มีตวยกั๋นตึงหมด ๓ เจ้า เจ้าหนึ่ง ๓๐๐ บาท เจ้าถ้วนสอง ๒๕๐ บาท เจ้าถ้วนสาม ๒๕๐ บาท
จะว่าแปงค็แปง แต่อย่างว่านั้นเนาะต๋ายไปแล้วบ่ะไจ้ได้กิ๋น ไผตานไปหาค็ไจ้ว่าจะได้ฮู้รส
กิ๋นเหียเมื่อยังคนเนี๊ยะดีละ ว่าแล้วจัดมาเลยเจ้า ๑ ถุง คริ คริ

แก๋งเจ้าอุปราชหอหน้ามีอะหยังภ่อง

๑.    เจ้าอุปราชหอหน้า (เห็ดไข่ห่าน)
๒.    จั๊กไค
๓.    ใบบ่ะเหม้า กอรบ่ะมี ใบผักติ้ว แตนค็ได้
๔.    ใบก้อมก้อขาว

เครื่องแก๋ง

๑.    พริกลาว
๒.    หอมเตียม
๓.    ฮ๊า

แก๋งอย่างใดหื้อลำ

ล้างสระสรงเจ้าอุปราชหื้อหมดๆเอี่ยมๆจะไปหื้อขี้ดินได้ติด
ใส่น้ำเย็นต้มหื้อน้ำเดือดปุ้งจะลั่นจะลั้นหั้น ใส่เกลือเหียหน้อย กำนี้ค็นั่งรอ หื้อน้ำแห้งไกล้จะปอดี
ใส่เครื่องแก๋ง พอน้ำแห้งมอกปอดี ใส่ใบบ่ะเหม้า คนไปๆมาสักกำหื้อน้ำส้มๆมันออก
ใส่ใบก้อมก้อขาว กนไปกนมาหื้อผักยอบ ต๋อนนี้นาน้ำแก๋งห๊อมมมมมมม หอม
ตักใส่ถ้วย ละไว้หื้อเย็นเหียหน้อย มอกน้ำแก๋งอุ่นๆลองตักแก๋งใส่ปากผ่อเต๊อะ

หาอะหยังในโลกหล้าเปียงตึงบ่มี ฮิ้ววววววส์