แก๋งบอน บ่ต้องกั๋วคันปาก

แก๋งบอน บ่ต้องกั๋วคันปาก

คนบ่ะเก่าเปิ้นแป๋งฮีตกิ๋นฮอยกิ๋นหื้อเฮาเอาไว้แล้ว ยะกิ๋นไปเต๊อะถ้ายะถูกหลักตี้เปิ้นวางเอาไว้
มันตึงบ่เป๋นหยัง อั้นคนบ่ะเก่าเปิ้นค็ปากบึนกั๋นหมดละก่ะ แก๋งบอนแบบบ่ะต้องกั๋วคันปาก
ถ้าปากบอนคันปาก อันนั้นปากแตกเน้อวววว์

ส่วนผะกอบ

๑. หลี่บอน คนไทยเขาน่าจะเรียกว่า บอนอ่อน ตรงกลางๆต้นอ่ะนะ
๒. ตี๋นควายต้ม ตี๋นหมู หนังหมู หูหมู ได้หมดครับ
๓. น้ำมะขามสุก
๔. ใบหม่ะขูด
๕. น้ำมันหมู
๖. ผักป้อม
๗. พริกคั่ว

เครื่องแก๋ง

๑. พริกแต้แห้ง
๒. หอมเตียม
๓. ข่า
๔. จั๊กไค
๕. หอมบั่ว
๖. กะปิ
๗. ฮ๊า
๘. เกลื๋อ

วิธียะ

นึ่งหลี่บอนหื้อสุก นึ่งเมินมอกใดค็นึ่งเอาจ๋นหลี่บอนแหลวแฟะแหลวแฟ่นนั้นเนาะครับ
ระหว่างตี้นั่งรอหลี่บอนสุก ซอยกุ้มตี๋นควายตี้ต้มสุกเอาไว้เป๋นเส้นๆ จากนั้นค้ต๋ำน้ำพริกรอ
เมื่อกุ๊อย่างพร้อม ตั้งหม้อน้ำมันเลยครับไปกล๋างเน้อ เอาหอมเตียม หอมบั่ว ลงจ่าว
มอกมันเหลืองๆนิ เอาน้ำพริกลงจ่าวหื้อมันหอมขึหอมขึ่นหั้น เอาตี๋นควายลง เอาหลี่บอนลง
กนหื้อมันเข้ากั๋น เอาน้ำส้มบ่ะขามลง ลงกำหน้อยๆ จิมตวยซ้ำดีไปหื้อมันส้ม ได้ตี้ละบ๋อ
เอาใบบ่ะขูดลง ตักใส่จากอ่อยหน้าหอมเตียวคั่ว หอมบั่วคั่ว พริกขั่ว ผักป้อม ข้าวนึ้งเป้อเลยครับ
มักแคบหมูกับแคบหมูเหีย รับรองลำแต้ๆครับ ^^